Euskarazko eta gaztelaniazko literatur solasaldiak hilean behin izango dira, eguaztenagaz, eta Mikel Antzak eta Monica Quijanok dinamizatuko dituzte, hurrenez hurren. Ingelesezko English Reading Cluba, ostera, bi hilean behin batuko da; Joseph Riopelle elorriarrak gidatuko du talde hori.
Parte hartzaileei liburutegiak eskainiko dizkie ikasturtean zehar irakurgai diren liburuak. Euskarazko kasuan, Adania Shibliren Detaile xume bat izango da solasgai; gaztelaniaz, Elena Ferranteren La amiga estupenda izango da, eta ingelesez Clom Toibinen Brooklyn.