Elorriok Gipuzkoa Sortzen taldea kanporatu du finalerdietan. Joan zen asteburuan etxean 19-23 galdu arren, joanekoan 30-23 nagusitu zirenez, finalera sailkatzea lortu zuten. Elorrio denboraldi bikaina osatzen ari da: liga erregularrean 20 partidutik 18 irabazita, lider amaitu dute eta ez da lehenengo aldia. Hirugarren urtez jarraian izan dira Euskal Ligako lehenengo sailkatuak.
Bestalde, Durango Rugby Taldeko emakumeek 52-38 garaitu zuten Gaztedi finalerdietako joaneko partiduan. Arripausuetako neurketan, durangarrak erasoan inspiratuta aritu ziren eta zapatu honetan Gasteizen jokatuko den itzulerako neurketan 14 puntuko aldea defendatu beharko dute durangarrek. Alde polita da, baina ez erabakigarria, Gaztedi maila handiko taldea da eta.
Gizonetan nahiz emakumeetan, Euskal Ligako txapelketako finalak maiatzaren 31n jokatuko dira, Gasteizen.