Peru Irazola Arbuluk (Elorrio, 1994) Hard Enduroko Espaniako Txapelketako bigarren proban parte hartu zuen orain asteburu bi Oviedon. Hitzorduak lasterketa bi izan zituen. Zapatuan hirugarren sailkatu zen elite mailan eta domekan bosgarren. Emaitza horrekin txapelketako sailkapen nagusiko hirugarren tokian kokatu da elorriarra. Hiru proba falta dira txapelketa amaitzeko: apirilaren 12an Ourensen (Galizia), urriaren 19an La Pesqueran (Cuenca, Gaztela-Mantxa) eta azaroaren 15ean Golmayon (Soria, Gaztela eta Leon).