'Zale' Elorrioko I. Antzerki konpainia ez profesionalen jaialdia antolatu du Arrapalan antzerki taldeak, Arriola kulturgunearen eta udalaren laguntzagaz. Ekainaren 6,7 eta 8 egunetan egingo dute, eta baldintzen artean, talde ez profesionalek parte hartu ahal dezaketela eta antzezlanek euskaraz izan behar dutela nabarmendu dute. Horrez gainera, antzezlanak originalak izatea lehenetsiko da, hala ere, bertsioak, egokitzapenak eta monologo teatralak ere onartuko dira.
Parte hartzaileek zale@tutamail.com helbidera idatzi beharko dute izena emateko. Jasotako eskaera guztien artean, formatu handiko bi antzezlan eta formatu txikiko beste bi aukeratuko ditu hautaketa batzorde batek; batzordea Arriolako kultur dinamizatzaileak, Arrapaladan taldeko kideek eta Elorrioko kultur eragile desberdinek osatuko dute.
Dokumentazioa apirilaren 27ra bitartean aurkeztu ahalko da, eta hautaketaren berri maiatzaren 7an emango da.
