Skakeitan desegin eta gero, euren kabuz proiektu berri bati ekitea erabaki zuten Borja Antonek eta Pello Armendarizek. Gerora batu ziren proiektura Alex Alonso (ETS, La Oreja de Van Gogh, Skakeitan...) bateria-jotzailea eta Lore Nekane Billelabeitia (Belako) baxu-jotzailea; biak ala biak esperientzia handiko musikariak. 2024aren amaieran, Durangoko Azoka izan baino zerbait lehenago kaleratu zuten Ez da besterik, euren lehenengo lan luzea. Aurkezpen-gutunik onena, sareko bideoklipegaz batera, izan ere, ez da erraza estilo konkretu batean kokatzea Marte Lasarte. Post punk, dark pop, new wave eta musika elektrikoa jorratzen dituzte, batetik bestera naturaltasunez jauzi eginez. Musikagintzan urte hauetan egindako hainbat lagunek ere parte hartu dute diskoaren grabazioan. Besteak beste, Olatz Salvadorrek (Skakeitan aritutakoa), Sara Zozayak, Jonatan Quiñonesek eta Aitor Valcarlosek kolaboratu dute bertan. Diskoa osatzen duten zortzi kantak Usurbilen (Gipuzkoa) grabatu dituzte, Haritz Arreguyk han duen estudioan.
Diskoaren aurkezpen biran, laukoteak kontzertua emango du Elorrioko Ateneoan, bihar, barikua, 22:00etan. Ondoren, ohikoa den moduan, etxeko musika jartzaileek girotuko dute gaua. Marte Lasartek EHZ, Herri Urrats eta Aiara fest jaialdietan ere joko du, besteak beste.