Datorren urteko egutegia osatzeko 'Maite ditut maite gure bazterrak' gaia proposatu du udalak, elorriarrek Elorrioko bazter edo txoko kuttunen irudiak batzeko. "Funtsean, galdera hauei erantzuteko gonbidapena luzatzen zaie elorriarrei: Nork ez ditu maite norbera hazten ikusi duten edo norbera bizi den herriko bazterrak, koloreak, usainak, jendea, usadioak eta abar? Eta zuk, zelan irudikatu klik batean maite eta hain zure egin dituzun Elorrioko bazter edo txoko kutunak?", azaldu du Elorrioko udalak ohar baten bidez.
Ohi bezala, epaimahaiak hamahiru argazki aukeratuko ditu, hilabete bakoitzeko bat, eta azalerako beste bat. Argazkiez gain, ordenagailuz egindako argazki konposizioak ere aurkeztu ahal izango dira.