Horretarako, Elorrion iraganean egon ziren eta orain itxita dauden establezimenduak gogoratzeko establezimenduaren izena eta argazkia duen identifikazio plaka eta led aplike bana jarri dituzte erakusketan, negozio horiek egon ziren tokietan; hain zuzen ere, zapatu goizaldean led aplike horiek ostu zituztela salatu dute ohar baten bidez. "Zapatuan bertan hasi zen erakusketa, eta goizaldean 20 aplike baino gehiago lapurtu zituzten. Urte hasieratik egon gara jarduera hau lantzen, eta asko tristetu gaitu jende batek lan hau kontutan ez hartzea. Gure asmoa merkataritzaren egoera ikustaraztea zen, gero eta denda gehiago ari dira ixten eta", azaldu dute oharrean.
