Atzo Elorrioko ziklo-krosaren 47. aldia lehiatu zuten San Joseko zirkuituan. Ibilbidea lokaztuta egon zen gauean zehar egindako euriagaitik, baina lasterketen unean ateri egin zuen.
Elite mailan faboritoek ez zuten hutsik egin. Emakumeetan Ainara Elbusto nafarra nagusitu zen eta gizonetan Aitor Hernandez ermuarra. Biak euskaldun torneoa irabazteko faboritoetakoak dira eta nagusitasunez gailendu ziren. Bigarren posturako, aldiz, lehia estua izan zen bai emakumeetan eta bai gizonetan.
Eskualdeko ziklistei dagokionez, nesken junior mailan heldu ziren emaitzarik onenak. Laida Hierro durangarra bigarren sailkatu zen eta Irati Quintano berriztarra hirugarren. Maila horretan frantziar bat nagusitu zen: Clemence Salvetat. Master 60 mailan podiumera igo zen Elorrioko Banan-Banan Ziklismo Kirol Elkarteko Roberto Camiruaga, hirugarren tokian.
Inoiz baino kadete gehiago
Antolatzaileak bereziki pozik daude kadete mailako parte hartzearekin. Ziklo-krosaren aurkezpenean esan zuten iazko aldian 125 kadete aritu zirela, aurreko edozein alditan baino gehiago. Bada, aurten errekor berria jarri dute, 138 kadeterekin.
Zapatuko umeen lasterketetan izandako parte hartze handia ere nabarmendu dute: 390 ume aritu ziren, mailaz maila, azpiko bideoan ikusi daitekeen moduan.
Irudiak eta edizioa: Malda Bikes.
Podiumeko argazkiak.
PODIUMAK MAILAZ MAILA
Emakumeen Opena:
- Ainara Elbusto................. 47:22
- Lukene Trujillano............. 48:11
- Nahia De Miguel.............. 48:24
Gizonen Opena:
- Aitor Hernandez................ 57:39
- Dario Silvestre.................... 59:11
- Unax Lombraña................. 59:30
Nesken kadete maila:
- Laia Lera............................... 36:59
- Maialen Narbona................. 37:19
- Haize Tamayo....................... 37:30
Mutilen kadete maila:
- Mikel Llorente......................... 39:36
- Aitor Murguzur......................... 39:51
- Ibai Sasigain............................. 40:52
Nesken junior maila:
- Clemence Salvetat............................ 39:16
- Laida Hierro........................................ 39:35
- Irati Quintano...................................... 43:50
Mutilen junior maila:
- Markel Unzurrunzaga......................... 39:00
- Auritz Ormazabal................................ 39:36
- Unax Menika........................................ 39:50
Master mailak eta gainerako sailkapenak LOTURA HONETAN