Erdella mendizale taldeak Elorrioko Bira antolatu du domeka honetarako. Bira handia 7:30ean hasiko da, Herriko plazatik. Ibilbidean zehar Memaia (679 metro), Atxaurrutxagane (979 m), Udalatx (1.117 m), Kanpanzar, Kañueta, Intxorta (737 m), Erdella (683 m) eta Berriozabaleta zeharkatu ondoren, Elorriora bueltatu eta hasitako leku berean amaituko dute Bira.
Bira txikiak ere herriko plazan izango du irteera puntua, 9:00etan. Kasu honetan, Aldapetik Erdellara joan dira zuzenean eta handik herrigunera itzuliko dira, San Lorentzotik eta Berriozabaletatik igarota.
Izen-ematea
Mendi martxarako izen-ematea hainbat modutara egin daiteke. Batetik, Erdellako webgunearen bidez. Bestetik, zapatuan 18:00etatik 20:00etara, plazan eman daiteke izena eta txartelak jasotzeko aukera ere egongo da. Azkenik, martxa bien egunean bertan ere egin daiteke izen-ematea: handiarena, 06:30ean eta laburrarena, 08:00etan.
