[EGITARAUA] Ojos de Brujoko Marinah, Olaia Inziarte eta Los Galindos, besteak beste, Elorrioko Musikairen

Aritz Maldonado 2024ko eka. 14a, 13:01
Deskargatu Info Ahotsak :

Elorrioko Musikaire zikloaren egitaraua eman dute ezagutzera gaur. Ohi bezala, musika, dantza edota zirko ikuskizunak egongo dira Elorrion uztailean zehar. "Udalak kulturaren aldeko apustu argia egiten jarraitzen du", azaldu du Julene Lazkano alkateak. "Elorrio errefentziazko gune bihurtu da kulturzaleentzako, ez urtean zehar bakarrik, baita uztailean ere", nabarmendu du Itsaso Basauri kultura zinegotziak. Aitor Iriarte Arriolako kudeatzaileak, ostera, egitarauaren aniztasuna azpimarratu du. "Nazioarteko hainbat talde datoz Elorriora, baina Euskal Herrikoak ere, noski; dakartzaten proposamenak interesgarriak dira, eta ez dira ikusteko oso errazak", nabarmendu du.

 

MUSIKAIRE

  • Uztailak 5, barikua, Tapia ta Leturia band (Euskal Herria, triki garaikidea). 22:30ean, Elizpean. 
  • Uztailak 6, zapatua, Marinah de Ojos de Brujo (Herrialde Katalanak, flamenko rumba). 22:30ean, Elizpean. 
  • Uztailak 7, domeka,  Pirritx, Porrotx eta Marimototsen Ez gara jaitsiko. 19:00etan, Elizpean. 
  • Uztailak 12, barikua, Los 300 (Andaluzia, erritmo latinoak). 20:30ean, Lariz jauregian. 
  • Uztailak 13, zapatua, Tarwa N-Tiniri (Maroko, Basamortuko bluesa). 22:30ean, Lariz jauregian. 
  • Uztailak 14, domeka, Olaia Inziarte (Euskal Herria, pop folk). 20:30ean, Lariz jauregian. 
  • Uztailak 19, barikua, Son Rompe Pera (Mexiko, kunbia punk). 22:30ean, Elizpean. 
  • Uztailak 20, zapatua, Hit La Rosa (Peru, kunbia psikodelikoa). 22:30ean, Elizpean. 
  • Uztailak 21, domeka, Dantza garaikidea, 19:00etan, plazan. 
  • Uztailak 26, barikua, Kinkfolk (Euskal Herria, jazz funk). 20:00etan, Arespakotxaga lorageia. 
  • Uztailak 27, zapatua, Sara Azurza (Euskal Herria, pop folk). 20:00etan, Arespakotxaga lorategia. 
  • Uztailak 28, domeka, Los Galindos (Herrialde katalanak, zirkoa). 22:00etan, Aldapebeitia. 

Horrez gainera, Photohorma egitasmoa berreskuratuko dute, eta herriko auzoetako hormetan Maria Otxandianoren, Patxi Granadoren, Josu Urizarbarrenaren, Karlos Erizen eta Begoña Colomoren lanak egongo dira ikusgai. 

Kultura Elorrio
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!