Berbalagun mintzapraktika egitasmoaren bidez sortu dute Elorrioko jostun elkartea; astero, hamasei lagun inguru batzen dira Iturri kultur etxean. "Asteazken arratsaldeetan elkartzen gara eta normalean hutsik egin gabe agertzen gara guztiok. Izan ere, oso ondo konpontzen gara, elkar lagunduaz", azaldu du Alicia Fondadok; taldean dauden bi euskara ikasleetako bat da Fondado. "Askotan esaten dute jostea zaharren kontua dela, baina nik terapia gisa ikusten dut, oso lasaigarria baita, eta doakoa! Nahikoa da orratza eta oihal bat edukitzea".
Ekainaren 12an kalera irtengo dira Elorrioko jostunak
Ekainaren 12a Jostunen nazioarteko eguna dela baliatuta, Elorrioko jostun taldeak ikasturtean egindakoak kalera aterako ditu; 18:00etan erakutsiko dituzte lanak, plazan. Gorroak, jertseak, poltsoak, gonak edota mantelak erakusteaz gainera, erronka berezi bat prestatu dute ekainaren 12rako: "Alpargatak josten jardungo dugu arratsaldean zehar", iragarri du Alicia Fondado taldeko kideak.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!