Lanek irauten duten bitartean, eremua zatika itxiko dute, eta orokorrean plaza erabilgarri egongo dela azaldu du Elorrioko Udalak ohar batean. "Helburua apurtuta edota itxura falta daukaten piezak aldatzea da, plazaren itxura originala ahalik eta gehien mantenduta. Horretarako, plazako gune desberdinetako piezak banan-banan kenduko dituzte, oinarria prestatu eta pieza berriak jarriz. Kentzen diren piezak plazako beste puntu batzuetan egokituko dira, neurriek ahalbideratzen duten heinean", nabarmendu dute.