Apirilaren 16an menpekotasuna duten pertsonak zaintzen lan egiten duten emakume migratuentzako 'Zaintza barik bizitzarik ez' hasiko da; hamar saio izango dira guztira. Bestalde, apirilaren 24tik aurrera 'Ekofeminismoa eta sukaldaritza kontziente ereiten' izeneko ikastaroa hasiko da; zortzi saio izango dira kasu honetan. Bestalde, 9-11 bitarteko umeentzako 'Hilekoaz gain, nire gorputzeko aldaketak' ikastaroa eskainiko du Saioa Hernández psikologo eta sexologoak. Laugarren saioa zoru pelbikoaren ezagutzan eta indartzean oinarrituko da; Aida Garcia fisioterapeutak eta Saioa Hernandez psikologo eta sexologoak zazpi saio eskainiko dituzte, maiatzaren 16tik hasita.
Horrez gainera, Berdintasunaren V. Planaren diseinua ere martxan jarriko du Elorrioko Udalak; apirilaren 16an eta maiatzaren 21ean emakumeen arteko topaketak egingo dituzte; maiatzaren 25ean txango feminista antolatu dute Bilbora.