"Hurbiletik bizi dugun hau Euskal Herriko beste hainbat txokotan gertatutako errepresio kasuen zerrendako bat gehiago da: Indar Gorriko 61 atxilotuak, Tolosako Iñauterietako kargak, Astigarragan poliziak eraildako gizona, Gasteizko GKSko mobilizazioaren aurkako bortizkeria, Lapurdiko atxilotuak eta abar luze bat. Komunikabideen, sare sozialen eta heziketa sistemaren bidez gazteok kriminalizatzen gaituzte eta gure aurkako jazarpena zein bortizkeria poliziala justifikatzen dituzte. Horrela, interbentzio hauek egunerokotasuna bihurtu dira", salatu dute ohar baten bidez.
Aipaturiko arrazoi horiek salatzeko, auzipetuei elkartasuna adierazteko eta "errepresio sozialaren gorakada eta normalizazioa seinalatzeko" egingo dute elkarretaratzea, apirilaren 19an, 19:00etan, Elorrioko plazan.
