Antolatzaileek herritarren erantzuna "ezin hobea" izan dela esan dute. Bertan 80 pertsona baino gehiagok parte hartu dute, familiek gehienbat. "Eskerrak eman nahi dizkiegu bertaratu diren boluntario guztiei", gaineratu dute antolatzaileek.
Elorrioko Udalaren lursailetan guztira 380 zuhaitz inguru landatu dituzte. Haritza (Quercus robur) eta artea (Quercus ilex ilex) landatu dira batez ere; izan ere, hori da eremuaren landaretza potentziala. Horiez gain, urkia, gorostiak, sagarminak, gartxu hostozabalak, baso makatzak, hesilaharrak eta elorri zuria ere landatu dituzte.