Gabonak pixkanaka hurbiltzen ari diren honetan, EMEko kideek Elorrioko dendak erdigunean jartzeko kanpaina berria jarriko dute martxan. 'Dendak zabalik taupada bizirik' leloa izango duen kanpaina urriaren 31n inauguratuko dute 20:00etan herriko plazan egingo duten ekitaldiagaz.
Behin kanpaina martxan ipinita herritarrek hainbat zozketatan parte hartzeko aukera izango dute, azaroan zehar EMEko komertzioetan erosketak eginda. Hainbat zozketa egongo dira: 600 euro bonotan, pare bat asteburu pasa eta 6 EMEN HERRIA mahai joko. Izaskun Agirre EMEko lehendakariak azaldu duenez, EMEN HERRIA merkatariek sortutako jokoa da "Monopolyaren antzerakoa. Baina hotelak agertu beharrean Elorrioko dendak ageri dira".