Naturbideak izenaz ezagutzen diren bideetan seinale berriak jarri dituzte Elorrion. Udalak herriko auzoak eta haien ingurune naturala zeharkatzen dituzten bi bidezidor nagusiak markatu ditu.
Horrez gain, Elorrioko Turismo web-orria ere eguneratu dute. Hori horrela, hemendik aurrera, naturbideetako bidezidorrak PDF formatuan egongo dira, baina deskargatzeko moduan Google Earthen eta GPS gailuetan.
Mapa horretan, bi bide nagusiak ageri dira: ibilbide urdina eta ibilbide berdea. Ibilbide urdina 9 kilometro ingurukoa da eta ipar-mendebaldeko auzoetatik igarotzen da (Aramiño, Berriozabaleta, Leiz zein Mendrakatik); ibilbide berdea 6 kilometrotakoa da eta ekialdeko auzoetatik doa (Gazeta, Aldape edo Zenita).