Kultur ondarea sustatzeko asmoz, Bizkaiko Foru Aldundiak eta Elorrioko Udalak Ondarearen Europako Jardunaldien baitan doako bi ekitaldi antolatu dituzte.
Alde batetik, urriaren 7an eta 8an artisautza-tailer bat egingo da, Arto orriak oinarri hartuz sormen prozesuaren bidaia izenekoa. Hiru saio eskainiko dira: bata euskaraz helduentzat, urriaren 7an, 10:00etatik 14:00etara; bestea, euskaraz familientzat, urriaren 7an, 16:00etatik 18:00etara; eta azkena gaztelaniaz helduentzat, urriaren 8an, 10:00etatik 14:00etara.
Tailer honetan parte hartzeko beharrezkoa da tokia aldez aurretik erreserbatzea, 94 682 01 64ra edo 688 77 62 70ra deituta edota turismoa@elorrio.eus helbidera idatzita.
Bestalde, urriaren 10ean, 19:00etan, Aitziber Gonzalez arkeologoak Elorrioko liñaputzuei buruzko hitzaldia emango du, gaztelaniaz.