Astebete pasatxoz Euskal Herriko artistarik trebeenak Elorrioko Ganondo parkean jarri duten karpan egongo dira. Uztailaren 7ko barikutik uztailaren 16ra bitartean nortasun berezi, xelebre eta irribarretsua duten artistek hainbat saioa eskainiko dituzte Elorrion. Gainera, Elorrioko emanaldiak aurten Bizkaian egingo dituzten azkenak izango dira, Gure Zirkua-ko kideek jakitera eman dutenez.
Hauek izango dira eskainiko dituzten saioen egun eta ordutegiak: uztailaren 7an 19:00etan; uztailaren 8an 18:00etan eta 20:30ean; uztailaren 9an 11:00etan; uztailaren 13an 19:00etan; uztailaren 14an 19:00etan; uztailaren 15ean 18:00etan eta 20:30ean, eta uztailaren 16 19:00etan.
Ikuskizun guztietarako sarrerak dagoeneko eskuragai daude, bai webgunean eta baita takilan ere.