Zapatu honetan, haur kategoriatik hasi eta senior eta master kategorietarainoko borrokalariek parte hartuko dute, 10:00etatik 15:00etara. Kirol klub guztiei zabalik dagoen txapelketa da, eta, antolatzaileen esanetan, kirolariak Euskadiko eta Espainiako txapelketetarako prestatzea da helburua: “Opena borrokalari amateurrei zuzenduta dago. Izan ere, hasiberrientzat esperientzia gogorregiak izan daitezke Euskadiko txapelketak eta antzekoak. Horrelako aukerak garrantzitsuak dira, maila berekoen kontra aritzen direlako, eta gozatzea eta ikastea delako helburu nagusia”, adierazi dute Indar Sport klubetik. Kickboxinga ezagutaraztea ere badute helburu, eta bertaratzeko deia egin diete herritarrei. "Aukera ona da ohikoa ez den kirol eta txapelketa bat ikusteko", esan dute.
Elorrioko openak kickboxingean esperientzia hartzeko aukera emango die hasiberriei
Iazko arrakasta ikusita, aurten ere Kickboxing Opena egingo dute Elorrioko Hilario Azkarate pilotalekuan. Indar Sport klubak antolatu du bigarren edizio hau ere, Elorrioko Udalaren laguntzagaz. Txapelketa ofiziala izango da, Euskadiko Boxeo Federazioaren babespean egiten delako.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!