Arespakotxaga Jauregiko parkean lanak egiten hasi da Elorrioko Udala, gune seguruagoa eta erakargarriagoa egin asmoz. Udaletik azaldu dutenez, espazioak mugatzen zituzten txapak kentzen eta lurra konpontzen ari dira.
Bestalde, udaletik jakitera eman dute proiektu honek herritarrek egindako eskaerari erantzuten diola; izan ere, 2023ko aurrekontu parte-hartzaileetan boto ugari jaso zituen proposamen honek.