Formakuntza mendekotasuna duten pertsonen zaintzan diharduten 21 emakumek jaso dute , Cony Carranza hezitzaile feministaren eskutik. Guztira 10 saio egin dituzte; sei ezagutza sanitarioak eskuratzeko eta lau ahalduntze prozesuak garatu eta emakumeen arteko aliantzak estutzeko.
Alazne Mendizabal Berdintasun zinegotziak azpimarratu du Elorrio atseginagoa bilatzeko helburuaren baitan, ezinbestekoa dela komunitate-sarea ehuntzea eta zaintza lanen garrantziaz jabetzea. "Herri mailako kontzientzia sortu nahi dugu, zaintza lanak erdigunean jarri eta herriko bizitzan zein herritarrengan duen garrantzia azpimarratuz", gaineratu du.