Guztira, urrezko lau domina eta zilarrezko bat irabazi zituzten. Urrezko dominetako bat Eloise Manda Sambou elorriarrak jantzi zuen lau kiloko mailu-jaurtiketan eta 20 urtez azpiko kategorian. Bere marka honako hau izan zen: 39.01. Alde handia atera zien aurkariei. Bigarren sailkatutako Irune Mera (Lea La Blanca taldea) lau metro baino gehiagora geratu zen: 34.90.
Urrezko beste hiru dominak honako hauek dira: Sarai Larrinaga etxebarriarra eta eta Aratz Martinez ondarrutarra disko-jaurtiketan eta Fernando Piñeiro bilbotarra mailu-jaurtiketan. Larrinagak eta Piñeirok Espainiako txapelketan parte hartuko dute, apirilaren 1ean, Castellon.
Zilarrezko domina Itoitz Hernandez abadiñarrak irabazi zuen disko-jaurtiketan.