Irailaren 27an emititzen hasitako realitya gaur ailegatuko da amaierara. Euskal Telebistaren lehenengo kateak Naufragoak saioaren finala emitituko du gau honetan. Finalean elorriar bat egongo da, lehia irabazteko asmotan: Xabier Malasetxebarria. Berak eta bere lagun Juan Pablo Marías 'Nava' -k hainbat abentura bizi izan zituzten saioaren hasierako asteetan. Finalera, baina, Malasetxebarria baino ez da ailegatu. Azken honek bi aurkari izango ditu finalean: 'Jabata' eta Mikel. Bizkaitarrak biak.
Naufragoak Euskal Telebistaren abentura eta biziraupen realitya da. Honakoa du bere lehenengo denboraldia. Saioa Karibeko uharteetan girotua dago eta Hostoil ekoiztetxeak ekoiztua dago. Lur Errekondo eta Iñigo Vicens dira saioaren gidariak.
![[BIDEOA]: Xabi eta 'Nava' elorriarrak, Naufragoak programako parte hartzaileak](https://anboto.tok-md.com/argazkiak/hnK/cache/1664185078_tokikom_735x413.jpg)