Elorrioko Udalak "oso modu positiboan" baloratu du irailaren 24an Zumelegi erreka garbitzen aritu ziren herritarren parte hartzea. Ia 100 lagun batu ziren erreka garbiketan. "Oso pozik gaude ekimenak izan duen onarpen onarekin. Zalantza barik, elorriarrak gure ingurunearen zaintzarekin konprometituta daude eta horrela erakutsi dute. Ekintza hau ez da ekimen isolatua izango, errepikatu egingo dugu", adierazi du Idoia Buruaga alkateak.
Anbotopekok, Elorrioko Ekologista Taldeak eta Baso Biziak plataformak antolatu zuten zapatuko ekimena. Elorrioko Udalaren laguntzarekin. Errekatik plastikoak, hodiak, sare metalikoak, burdinak eta sokak jaso zituzten, besteak beste.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!