Elorrioko ume eta helduen artean irakurzaletasuna sustatzeko jarduerak martxan

Anboto 2022ko ira. 14a, 10:06

Irakurketa-klubak urrian hasi eta abendura arte luzatuko dira. Aldez aurretik izena ematea beharrezkoa izango da. 

Ikasturtea hastearekin batera, Elorrioko liburutegiak ume zein helduen artean irakurzaletasuna sustatzeko jarduerak jarri ditu martxan. 

Umeentzat bi jarduera egongo dira: bata 'Ipuin jolas txokoa' 0-3 urte bitarteko umeentzat. Hau, urriaren 19an, azaroaren 9an eta abenduaren 14an emango da eta umeek lagunduta joan beharko dute. Bestea, 3 eta 8 urte bitarteko umeentzat izango da, 'Dana kontalari' irakurketa-kluba. Hau urriaren 20an hasiko da eta hileko eguen guztietan izango da. Hona ere nagusi batek lagunduta joan beharko dute umeek.

Helduei zuzendutako irakurketa kluba hiru hizkuntzatan egin ahal izango da: euskaraz, gaztelaniaz eta ingelesez. Euskarazko irakurketa-kluba hilean behin egingo da; eguaztenetan, 18:00etan. Eta gaztelaniazkoa 19:35ean. Ingelesezko irakurketa-kluba, bi hilean behin egingo da, eguenetan, 19:45ean.

Izen ematea

  • 'Ipuin jolas txokoa' izena emateko azken eguna irailaren 30a.
  • 'Danak kontalari' izena emateko azken eguna urriaren 7a
  • Helduentzako jarduerak izena emateko azken eguna irailaren 26a

Izen-ematea liburutegira joanda, 94 603 20 32 zenbakira deituta edo liburutegi@elorrio.eus helbidera idatzita egin daiteke.  

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!