Sukalkiaren ondoren, 18:00etan, kuadrillek karrozen jaitsiera egingo dute Aldatsekuatik. Gauean, 23:00etan, Puro Relajo taldearen eta DJ Gorka Perezen txanda izango da.
Sukalkiaren aurretik, hainbat ekintza izango da. Gaur, esaterako, Ibil Bedi eta Su Ta Gar taldeen kontzertuak egongo dira, herriko plazan, 22:30ean. Eta, aurretik, Serenade eta Cuarteto Lírico Argenta Backstage taldeak egongo dira, jubilatuentzat.
Aurtengo Ferixa Nausikoei amaiera emateko, Munduko Zaporeak ekitaldia egongo da, Kanpokalen, 10:00etan, Kainaberak antolatuta. 13:00etan herri kirolak egongo dira, eta 18:30ean bertso saioa, Aldatsekuan. Saioa Alkaiza, Nerea Ibarzabal, Unai Iturriaga eta Gorka Pagonabarraga arituko dira bertsotan, eta Ainhoa Urien izango dute gai jartzaile. Eingo taldearen kontzertuagaz eta plazako dantzen emanaldiagaz emango diote amaiera jaiei.