Elorrioko Udalak argi berdea eman die Elorrioko Eskola Publikoko patioa egokitzeko eta eraldatzeko bigarren faseko obrei. Udaletik jakitera eman dutenez, lan hauek 2019an hezkuntza-komunitate osoarekin batera hasi zuten prozesuaren barruan dago.
Lehen fasea iazko udan egin zen, jolastoki nagusiaren erdialdeko estalkia eta zoladura eraiki zituzte. Orain, bigarren faseari ekingo diote; jolastoki nagusiaren beste aldea egokituko dute.
Lanak, gehienez ere, hiru hilabeteko epean, amaitzea aurreikusten dute.