Irailaren 3tik 11ra bitartean ospatuko dira Ferixa Nausikoak. Horiek iragartzeko kartel lehiaketa martxan jarri zuen Elorrioko Udalak eta dagoeneko jaiak iragarriko dituen kartela aukeratzeko momentua heldu da. Hori horrela, herritarrek lehiaketara aurkeztu diren sei kartelen artean aukeratu ahal izango dute. Botoa Iturri Kultur Etxeko hautestontzian eman ahalko da edo www.elorrio.eus webgunearen bidez. Ekainaren 16ra arteko epea dago.
Bestalde, bozketa-epea amaitutakoan, Elorrioko Udaleko ordezkariek, jai-batzordeak eta arte grafikoetako profesionalek osatutako epaimahai teknikoak lan irabazlea aukeratuko du. Epaimahaiaren erabakiaren berri, ekainaren 21ean emango dute.