Fibromialgiari eta neke kronikoaren sindromeari buruzko hitzaldia eskainiko dute apirilaren 5ean, 18:30ean, Elorrioko Iturri kultur etxean. Elorrioko Udalarekin batera Eman eskua elkartea da antolatzailea eta bertako presidentea den Antonia Gamerok emango ditu azalpenak. Gaixotasunari buruz eta gaixotasun horrek dakartzan zailtasunei buruz mintzatuko da, eta gaixotasunaren beraren ondoriozko egoeren aurrean zelan jokatu jakiteko informazioa emango du.
Eman eskua elkartea 2004. urtean sortu zuten fibromialgiak eta neke kronikoaren sindromeak eragindako hainbat afektatuk. Besteak beste, askotariko hitzaldi eta ekintzak antolatzen dituzte gaixotasuna gizarteratzeko eta kontzientziazioan sakontzeko.