Harrezkero, hainbat belaunaldi igaro da gaztetxetik, eta asteburuan gaztetxearen 34. urteurrena ospatuko dute. Egitarau zabala antolatu dute horretarako. Zapatuan, 10:00etan emango diote hasiera egunari, errugbian jokatuta, tag errugbia modalitatean. Horren ondoren, haurrentzako jokoak egongo dira elizpean, eta 13:30ean trikipoteoa, gaztetxetik hasita. 14:45ean omenaldia egingo dute San Josen, eta 15:00etan bazkaltzeko batuko dira.
Arratsaldean, bertsolariak egongo dira gaztetxean: Bittor Altube eta Gorka Pagonabarraga. Gero, Tribute to Piperrak taldearen kontzertua egongo da. 20:00etan afaria emango dute gaztetxean bertan, eta 22:30ean Iheskide, Mudo Selektah, The Lio eta Dj Via Crucix taldeen kontzertuak egongo dira. Domekan emango diote amaiera urteurrenari, 8:00etan, gaupasa egindakoek argazkia aterata.