Elorrioko zortzi kirolarik banakako kirolerako laguntzak jaso dituzte

Motoziklismoan, parapentean, eski egokituan, triatloian, runningean eta txirrindularitzan lehiatu diren kirolariek jasoko dute diru laguntza. 

Kirola sustatzen jarraitzeko eta herriko kirolariei kirol-jarduerak eragindako gastuei aurre egin ahal izateko laguntza ekonomikoa emateko duen konpromisoaren barruan, Elorrioko Udalak banakako kirola egiteko diru- laguntzak ematea onartu du, 2021ean lehiaketa ofizialetan banaka parte hartu duten herriko zortzi kirolari diruz lagunduz.

Guztira, motoziklismoan, parapentean, eski egokituan, triatloian, runningean eta txirrindularitzan lehiatu diren eta erkidego, estatu edo nazioarte mailako txapelketetan parte hartu duten Elorrioko zortzi kirolarik, datozen asteetan jasoko dute diru-laguntza.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.