Elorrioko Udaletik azaldu dutenez, zerbitzu hauen helburua herritarrak modu erraz eta zuzenean informatuta izatea da. "Beste pauso bat eman dugu elorriarrek udal jardueraren egunerokotasunean gertatzen den guztiaren berri izan dezaten, udal arlo guztietako obra, proiektu, laguntza ekonomiko, zerbitzu berri eta kanpainei buruzko albisteak bidalita", azaldu du Maria Herrero alkateordeak.
Gainera, zerbitzu hauek gehituta "herritar guztiengana" heldu gura dutela azaldu dute gobernu taldetik.
Zerbitzuetan alta eman gura dutenek ondorengoa egin beharko dute. Whatsapp zerbitzura sarbidea izateko 747 448 832 telefonoa kontaktuen zerrendan gorde beharko da eta ALTA testua bidali bertara. Telegram bidez informazioa jasotzeko berriz, nahikoa izango da plataforman Elorrioko Udalak duen kanalarekin bat egitea.