Atzo Euskadiko Kros Txapelketa jokatu zen Amurrion (Araba). Gontzal Murgoitio elorriarrak irabazi zuen lasterketa, maila absolutuan eta 23 urtetik beherakoen kategorian. 33 minutuko eta 28 segundoko marka egin zuen. Bestalde, taldekako sailkapenei dagokienez, Durango Kirol Taldeak bigarren egin zuen gizonezkoen kategorian, eta hirugarren emakumeen kategorian.