Abenduaren 10ean eta 11n egingo dute 24 Ordu Digitalean lehiaketaren edizio berria

2019ko irudia.

Asteburuan izango da Elorrioko film labur lehiaketaren edizio berria. 1.700 euro banatuko dituzte saritan. Izena emateko mezu bat bidali behar da 24ordu@arriolaka.eus helbide elektronikora.

Abenduaren 10ean, barikua, 17:00etan antolatzaileek gaia proposatuko dute, eta parte hartzaileek 24 ordu izango dituzte beraien proposamenak aurkezteko. Abenduaren 11n, 20:00etan laburmetraien emanaldia hasiko da, eta ostean sari banaketa egingo da. 

Antolatzaileen arabera, filmak formatu digitalean aurkeztu beharko dira, .mp4 edo .mov (H264), konpresio gabe 16:9 formatu-ratioan (1280x720).

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!