52 urteko langile bat hil da Abiadura Handiko Trenaren eraikuntzan Elorrion

LAB sindikatuak dioenez behargina bihotzekoak jota hil zen atzo, Iguria auzoko obretan.

LABek azaldu duenez, "dagoeneko istripu ez traumatikoak, bihotzekoak eta iktusak, besteak beste, bilakatu dira lan heriotzen lehen gauzatzaileak. 2020ean, heriotza guztien %25koak izan dira. Aurten, dagoeneko, 8 langile hil dira arrazoi honengatik". Gaineratu dutenez, "argi daukagu lan istripuak, traumatiko, ez traumatiko eta joan etorrikoak ere, ez direla zoriak edo kasualitateak sortuak. Ematen diren lan harremanen, prekarizazioaren, lan arautegiaren eta azpikontratazioaren emaitza dira". 

 

 

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.