Elorrioko Udalak aho batez onartu du Bizkaiko Foru Aldundiaren Berdintasunerako Lurralde Sarean sartzea. Udalekoen hitzetan, sareko gainontzeko erakunde, instituzio eta administrazioekin batera berdintasunaren arloan aurrera egiten jarraitzeko eta berdintasun-politika hobeak garatzeko aukera egongo da.
Testuinguru horretan, ekainaren 3an Idoia Buruaga alkateak Berdintasunerako Lurralde Sarearen mahai-inguruan parte hartu zuen. Buruagak gonbidapena jaso zuen, Elorrio berdintasunaren arloan sail propioa, genero-ikuspegia duen jarduketa-plana eta berdintasun-teknikari lanposu finkatua dituen Bizkaiko herririk txikiena delako.