Elorrioko Udalak Eleizaldeko kanpoko igerilekuetako tabernaren kudeaketa esleitzeko prozeduraren epea ireki du. Udan zerbitzu hori eman gura dutenek maiatzaren 17ra arteko epea izango dute Euskadiko Kontratazio Publikoaren plataformaren bidez beraien eskabideak aurkezteko.
Bestalde, udaletik azaldu dute modu positiboan baloratuko dutela tabernako zerbitzuak kudeatzeko eta ustiatzeko interesa dutenek aurkeztutako zerbitzu-proiektua: produktuen, prezioen, garbiketarako baldintzen, birziklatzea sustatzearen eta hondakinak gutxitzearen arloan, besteak beste.