Elorrioko gazte eta adinekoek euren bizipenak partekatzen dituzte belaunaldien arteko programari eskerrak

2016tik Elorrioko Udala lanean dabil Elorrioko gazte eta adinekoek  elkar ezagutu dezaten bultzatzeko asmoz. Sormenerako Sormening guneari eskerrak lortzen dute hori. Gune horrek belaunaldien arteko proiektua du, eta herriko ikastetxeetako gazteen eta herriko elkarteetako adinekoen artean zubiak sortzea da horren helburua.

Gazteei dagokienez, batez ere DBH 3. mailako ikasleei bideratuta dago programa. Baina DBH 4. mailako ikasleek ere parte hartzeko aukera dute. 

Pandemia dela-eta hainbat hilabetean programa etenda izan duten  arren, urtarriletik berriro ere martxan dabiltza. Joan zen astean, esaterako, herriko 9 adindun eta Elorrioko Institutuko 25 ikaslek herritik ibilaldi bat partekatu zuten.

"Bizipenak eta esperientziak partekatzeko, elkarregaz ikasteko eta elkar ezagutzeko modu bat da. Helburua elkar elikatzea eta elkar indartzea da, adinekoen eta gazteen arteko zubi bat eta elkargune bat eraikitzea, hain zuzen ere", azaldu du Onditz Mendizabal Sormeningeko koordinatzaileak.

Durangaldeko albiste garrantzitsuak eta azken ordukoak Whatsapp edo Telegram bitartez jaso gura dituzu? Hauek dira bi aukerak.

WHATSAPP: Bidali ALTA 688 635 041 telefono zenbakira.

TELEGRAM: Batu zaitez @anbotokomunikabideak kanalera.