Elorrioko Udaleko gobernu taldeak iragarri duenez, Hiri Antolamenduko Plan Orokorra (HAPO) berrikustea proposatuko du hurrengo Hirigintza Batzordean gobernu taldeak. "Gaur egun indarrean dagoen hirigintza-plana iraungita dago, eta egungo osasun-krisiak zalantzan jarri ditu gure herriaren garapen-irizpideak, Elorrioko planteamenduari eta etorkizunari buruzko hausnarketa egiteko beharra sortuz", azaldu dute oharrean Gobernu Taldeko kideek. Gainera, 2011n onartutako planak "arazo judizialak sortu" dituela, eta horiek plana berrikusita "konponduko" direla azaldu dute.
"HAPOaren berrikuspenaren prozesua lideratzeko eta egungo egoerara egokitzeko erronka garrantzitsua dugu aurrean, guztion artean etorkizuneko Elorrio erabakitzeko", bukatu du Idoia Buruaga alkatea.