"Epeak betetzen badira, udan hasiko dira patioko estalki berria instalatzeko lanekin", adierazi du Maria Herrero alkateordeak. "Elorriorentzat oso proiektu garrantzitsua da; izan ere, jolastokia eraldatzeko plana gauzatuta, jolasgune inklusiboa, egokitua eta etorkizunera begira egongo dena lortzeko beharrezkoa den eskaerari erantzungo diogu", jarraitu du alkateordeak.
265.000 euroko aurrekontua duten lanak uda honetan, ikasturte-amaierarekin eta oporrekin bat etorriz, hastea aurreikusten da. Lanok eskola publikoko patioa Eraldatzeko Planaren lehen fasean sartzen da. Patioa estaltzeaz gain, lehen fasean txintxaun berriak jarriko dituzte eta zoladura aldatu.