"Pandemiak areagotu egin du egoera zaurgarrienean dauden pertsonen eta familien egoera larria, eta beraz, erantzuna ematen jarraitzeko eta konpromiso kolektiboa agertzeko unea da", adierazi du Elorrioko Udalak. Bilketa udalak eta Elorrioko Zaintza sareak antolatu dute. Urtarrilaren 15ean 10:00etatik 14:00etara eta 16:00etatik 20:00etara bilduko dituzte elikagaiak. Eta urtarrilaren 16an 10:00etatik 14:00etara.
Herritarrek elikagaiak 'bilketa-kutxetan' utzi ahal izango dituzte. Kutxa horiek kanpainarekin bat egin duten establezimenduetan egongo dira, baita herriko plazan ere. Antolatzaileek elikagai ez galkorrak jasoko dituztela azaldu dute.
Biltzen diren elikagai guztiak behar handiena duten pertsonen eta familien artean banatuko ditu Kainabera elkarteak.