Udalak ohar batean zabaldu duenez, Elorrioko Zaintza Sarea boluntario bila dabil. Pandemiaren eraginez beharrizanak ugaritu direla ikusi dute eta herritarrei dei egin diete bertan inskribatzera. Bi zerrenda berrituko dituzte. Bata, elikagaiak eta botikak etxeetara irisarazteko zerrenda izango da. Gaur egun indarrean dagoen sarea da, aktibo dago, baina bertan izena emateko aukera zabaldu dute berriro ere.
Beste zerrenda, umeekin euskarazko jarduerak egiteko prest dauden herritarrekin osatuko dute. Azken puntu honi buruz, udalak azaldu du "eskolatik kanpo euskaraz bizitzeko aukerarik ez duten haur askoren egoera korapilatsua" atzeman dela, eta, beraz, "arrakala lingustikoa" areagotzen ari dela.
Zerrendetan izena eman gura duten boluntarioek udaltzaingoagaz ipini beharko dute harremanetan, 946820218 telefonoan.