Herriko plazako dendan, inpresio artistikoagaz egindako kamisetak eta poltsak, mineralekin egindako bitxiak eta zilarrezko bitxiak aurkitu daitezke. Agtz Prints, Eguzkilore artisautza eta Kenikakoek Gure Artean dendatik pasatzeko eta produktuak ikusteko gonbita egin diete herritarrei.
Abenduaren 17ra arte zabalik
Printzipioz, denda abuztuaren 17ra arte egongo da zabalik. Astelehenetik zapatura 10:00etatik 13:00etara eta 16:30etik 20:00etara. "Abenduaren 18tik 22ra, Eixuk Durangon antolatu duen Azokan egongo gara, eta hori dela-eta denda abenduaren 17ra arte izango dugu zabalik", jakinarazi du Pagaldayk. Hori da euren asmoa, hilaren 17ra arte izatea zabalik, baina gauzak ondo badoaz eta dendagaz pozik badaude aurrerago ere berriro zabaltzea baloratuko dutela azaldu dute.