"Diru-laguntza honen bitartez, lehen sektorearen lehiakortasuna bultzatzen lagundu gura dugu, eta horretarako, jarduera aurrera eramateko beharrezkoak diren makinak erosteko edo jarduketak gauzatzeko egin daitezkeen gastuetan lagundu gura dugu", azpimarratu du Idoia Buruaga alkateak.
Udalak proiektua gauzatzeko beharrezkoak diren baliabide materialen (ekipoak eta lehengaiak) eta lanen kontratazioaren 2020ko gastuak finantzatuko ditu. Modu berean, ustiategia ekoizteko edo eraldatzeko nekazaritzako makinak eta ekipoak erosteko diru-laguntzak emango dira.