Elorrioko Herri Ikastetxeko Haurreskolako eraikina, eraikin zaharra dela kontutan hartuta iazko urrian Elorrioko Udalak eraikinaren inguruko diagnostiko bat egitea erabaki zuen. Azaroaren hasi ziren eraikina aztertzen eta hiru mailatako diagnostikoa egin dute
(arkitektonikoa, funtzionala eta estrategikoa). Gaur diagnostikoaren emaitzen berri eman dute eta eraikinak eraberritzea behar duela jakitera eman du Elorrioko Udalak.
“Eraikina zaharra da eta denboraren poderioz gabezia funtzional eta arkitektoniko garrantzitsuak erakusten hasi da. Diagnostiko honen ondorioz, eraikinaren egoeraren ikuspegi osoa lortu dugu, eta gero eta hurbilago gaude Haurreskola berriaren proiektua errealitate bihurtzetik; orain, argazki osoa dugu, badakigu zeintzuk diren gauzatu behar ditugun jarduketak. Lehen pausoa eman dugu, eta datorren urtean ekingo diogu proiektua idazteari”, jakitera eman du Maria Herrero alkateordeak.