Jon Azkarraga elorriarrak irabazi zuen lehen mailako kategoria, Egoitz Axpe atxondarrari 25-20 irabazita. Partida gogorra izan zen, haizeteak baldintzaturikoa. Bigarren kategoriako finalean Gorka Larrañaga eta Oier Ortuoste atxondarrak lehiatu ziren. Larrañagak eskuratu zuen garaipena, 25-18. Hirugarren kategoriako finala jokatu barik dago oraindik. Xabat Lizundia atxondarra eta Iker Carrasco elorriarra lehiatuko direla aurreratu dute antolatzaileek.
Ekainaren 1ean hasi zen Arrazolako pala txapelketa. 44 jokalarik eman zuten izena. Txapelketa antolatzen duten zortzigarren aldia da. Finalak iraileko asteburu batean jokatzekoak ziren hasiera batean, baina asteburu honetara mugitu behar izan dituzte euriagatik.