Udaletik azaldu dutenez, osasun krisiak ekonomian eta gizartean eragin duen egoeraz jabetuta, herritarren ongizateari lehentasuna eman gura diote, tasak eta zergak igotzeak ekarriko lukeen gastu gehigarria arinduz.
“Egungo osasun krisiak eta ekarri dituen ondorio ekonomiko eta sozialak kontuan hartuta, argi geneukan ez genuela zerga eta tasetan igoerarik aplikatuko, nahiz eta horrek udal kutxetan diru gutxiago biltzea ekarri. Une honetan, badakigu edozein keinu, txikiena izanda ere oso garrantzitsua dela, eta gobernu-talde honen helburua elorriarrei laguntzen jarraitzea izango da", esan du Idoia Buruaga alkateak.