Elorrioko Udalak udako denboraldiaren "balantze positiboa" egin du. "Igerilekuak erabiltzeko eta segurtasuna bermatzeko egunero ezarri behar izan
diren mugak kontuan izanda, modu positiboan baloratzen ditugu Elizaldeko
igerileku irekien udako kanpainaren itxierako zifrak", adierazi dute ohar bidez udaleko kideek.
Hala ere, aurtengo udan Covid-19ak eragina izan duela, eta abonatu kopurua %50 inguru murriztu dela azaldu dute. Hala ere, 1.169 abonatu izan direla eguneko 7.580 txartel saldu direla, eta, igerilekuek, guztira 19.462 sarrera izan dituztela jakitera eman dute. "“Ekain hasieran Elizalde zabaltzeko aukerarik izango ote genuen ere ez genekien. Gure eskuetan zegoen guztia egin gura genuen elorriarrentzat uda ahalik eta atseginena izan zedin”, aitortu du Dani Palacios ziengotziak.
Zailtasunak zailtasun azkenean elorriarrek modu seguru eta lasaian gozatu dutela igerilekuez esan dute udaletik.