"Egungo egoera pandemikoa dela eta, uste dugu ez dela garaia mahai baten inguruan egiten diren bilerak sustatzeko", adierazi dute jeltzaleek. Hori dela eta, gobernu taldeari kanpainaren oinarriak aldatu eta merktaritza-establezimenduetan soilik erabilgarri izatea eskatu diete. "Ekintza hau denboraz kanpo dagoela uste dugu, izan ere jende pilaketei oztopoak jarri behar zaizkie, ez zubiak", kritikatu du Mikel Arruabarrena EAJko bozeramaileak.
Udaltzaingoaren plantila handitu
Bestalde, jeltzaleek udaltzaingoaren plantila handitzea proposatu du gaur goizeko batzarrean, eta lau udaltzain kontratzea. Oposizioko taldearen hitzetan, "kontratazio horiekin gauetako segurtasuna handitu ahal izango litzateke".